I wollt, i wär a Kuah

Späte Karriere

Als Alter a Karrier no machen,
des is zum Wana und zum Lachen.
Des könnt zum Beischpü mir passiern.
Es tät mi gfrein - und irritiern.
I hab amol Gedichte gschrim
und de san schee im Ladl 'blim.
Kana hat si um de gschert -
hab ma denkt, san eh nix wert;
und i laß des Ganze bleim.
Kürzlich war a Preisausschreim.
I schick was ei - nach so vü Jahr
hat 's mi derwischt - und des is wahr.
In an Lokal da is des gwesn,
da hab i drei Gedichte glesn.
Es war schee, die Leit ham glacht -
in erstn Preis hab i do gmacht!
Und jetzt - auf meine altn Tag -
unterschreib i an Vertrag!
A Mensch hat ma a Chance jetzt 'gebn -
im letzten Abschnitt von mein Lebn.
Der Vertrag, der is am End -
nix anders wia a Testament.
Als Alter a Karrier no machen,
des ist zum Wana und zum Lachen.

Bestellen? Zurück Home